Россияда нефтни қайта ишлаш ҳажми 30 фоизгача қисқарди — Reuters

Reuters маълумотига кўра, октябрь охиридан буёнги ҳужумлар Россиядаги 35 та йирик нефтни қайта ишлаш заводидан тўққизтасининг ишини издан чиқарган.

Зарар кўрган заводларнинг умумий қуввати кунига 2,2 миллион баррелни ташкил этади. Бу Россиядаги бирламчи нефтни қайта ишлаш қувватининг қарийб 30 фоизига тенг.

Агентлик манбалари қайта ишлаш ҳажми кунига 200 минг тоннагача камайиши мумкинлигини билдирган.

Ҳужумлар Россия ва Украина ўртасида энергетика инфратузилмасига зарбаларни тўхтатиш бўйича келишув амалда барбод бўлганидан сўнг қайта кучайган.