Бу ҳақда Давлат думаси спикери Вячеслав Володин маълум қилди.
Унинг сўзларига кўра, ҳозирги вақтда чет эл фуқаролари Россияга киришда гиёҳванд ва психотроп моддалар истеъмол қилганлик факти, шунингдек, юқумли касалликлар мавжудлиги бўйича мажбурий тиббий кўрикдан ўтишлари шарт.
Россиялик депутатлар томонидан қабул қилинган қарорга кўра, Россияга уч ойдан ортиқ муддатга борган барча мигрантлар учун мажбурий тиббий кўрикдан ўтиш муддати 90 кундан 30 кунгача қисқартирилмоқда. Агар мигрантда хавфли касалликлар аниқланса, у тезкорлик билан депортация қилинади.
Шунингдек, чет эл фуқароларининг тиббий кўрикдан ўтишдан бўйин товлаши учун маъмурий жавобгарлик жорий этилмоқда. Ушбу ҳуқуқбузарлик учун суд қарори билан Россия ҳудудидан чиқариб юбориш имконияти билан 50 минг рублгача (8,5 млн сўм) миқдорда жарима белгиланади.
Аввалроқ Россия Давлат думаси рухсатсиз митингларда иштирок этган ва Россия армиясини “обрўсизлантирган” хорижликларни мамлакатдан чиқариб юборишни назарда тутувчи қонун лойиҳасини биринчи ўқишда қабул қилганди.
Эрон 57 та мусулмон давлатидан иборат “Ислом NATOси” ни тузишга чақирди
Нетаньяху Қуддусдаги шифохонага ётқизилди
Суперкомпьютер футбол бўйича ЖЧда ким ғолиб бўлишини айтди
