Россиянинг Бирлашган Қиролликдаги элчиси Британия ҳукумати Киевга «рус аскарлари ва тинч аҳолини ўлдирадиган» қуроллар етказиб бериш орқали Украинада «прокси уруш олиб бормоқда», деб даъво қилди.
ББC билан суҳбатда элчи Андрей Келин, агар Киевнинг ғарбий иттифоқчилари қурол етказиб беришни тўхтатса ва Украина президенти Владимир Зеленский музокарага тайёр бўлса, мамлакатининг Украинага қарши уруши тугаши мумкинлигини айтди.
«[Зеленский] тинчликни хоҳламайди ... у тобора кўпроқ сўрашда давом этмоқда; НАТО [ва] Европа Иттифоқи ёрдами, мудофаа пакетлари, ҳар қандай нарса, лекин музокаралар ҳақида умуман ҳеч нарса», деди у.
Уруш ҳеч кимга ёқмайди, - давом этди у. «Аммо биз шунчаки айтмоқчи эмасмиз: Яхши, эртадан бошлаб биз бир-биримизни ўққа тутмаймиз. Отмаймиз.»
2022 йил февраль ойида кенг кўламли босқинни бошлаганидан сўнг, Россия ҳанузгача Украина суверен ҳудудининг тахминан 18 фоизини назорат қилмоқда.
Москва кучлари мамлакат бўйлаб тинч аҳоли инфратузилмасига ҳаводан зарба беришда давом этмоқда, қуруқликда эса Россия қўшинлари сезиларли харажат бўлсада, тобора ортиб бораётган ютуқларга эришмоқда.
«Агар [Зеленский] биз билан музокаралар олиб бормаса, майли», - деди Келин ва таҳдид қилиб: «У тобора кўпроқ ерларни йўқотади. Қаршилик тобора кучайиб бормоқда. Бу босқичнинг тугаши Украинанинг тугашини англатади».
