Бу ҳақда New York Times нашри Greenpeace ташкилоти ҳисоботига таяниб хабар бермоқда.
Охирги уч ой ичида Россия Азов денгизи бўйлаб Мариупол ва Бердянск шаҳарлари ўртасида тахминан 80 км электр узатиш линиясини қурди, деб ёзади нашр. Бу ҳақда Greenpeace томонидан қўлга киритилган сунъий йўлдош тасвирлари орқали маълум бўлди. Электр узатиш линиясининг бу қисми Мариупол яқинидаги электр подстанциясига олиб боради, ушбу подстанция эса Запороже АЭС билан боғланган. АЭС подстанциядан тахминан 220 км ғарбда жойлашган.
Greenpeace таҳлилчиси Шон Бернининг фикрича, бу — Россия АЭСни қайта ишга тушириш ва уни ўз манфаати йўлида фойдаланишни режалаштираётганини кўрсатувчи илк жиддий далил ҳисобланади. АЭС Россиянинг Ростов вилояти энергетика тизимига уланиши мумкин.
The New York Times нашрининг ёзишича, бу тарихда илк марта бир давлат уруш натижасида бошқа давлатдан тортиб олган ядровий иншоотни ўз фойдаси учун ишлатиши бўлиши мумкин.
Аввалроқ Трамп маъмурияти Украина билан Запороже АЭСни АҚШ назоратига ўтказиш масаласини тинчлик келишуви доирасида муҳокама қилган, бироқ Киев бу таклифни рад этган эди. Россия эса 2022 йил март ойидан буён Запорожье АЭС ва у жойлашган Энергодар шаҳрини назорат қилиб келмоқда.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
