Россия Хитойга Тайваннинг эҳтимолий босқинига тайёргарлик кўришда ёрдам бераётган бўлиши мумкин

Бу ҳақда The Washington Post нашри хабар бермоқда.

Ҳужжатларда айтилишича, 2024-йил октябрь ойидаги қиймати 580 миллион доллардан ортиқ бўлган шартномага кўра, Хитой 37 та BMD-4M ҳаво-десант жанговар техникаси, 11 та Sprut-SDM1 ўзиюрар қуроллари, 11 та БТР-МДМ зирҳли транспорт воситалари, қўмондонлик машиналари ва оғир техникани ҳавога тушириш учун махсус парашют тизимларини олган.

Бундан ташқари, россиялик инструкторлар хитойлик парашютчиларни Россияда ҳам, Хитойда ҳам тайёрлашлари кутилмоқда. Тайван вазиятни диққат билан кузатиб бораётганини ва эҳтимолий ҳужумга тайёрлигини билдирди.