Хабарларга кўра, "Нафтогаз"нинг Днепр яқинидаги объектларига баллистик ракеталар билан ҳужум қилинди. 19 май куни эрталаб Харков мэри Игор Терехов шаҳарнинг Новобаварский ва Холодногорский туманларига зарба берувчи дронлар билан ҳужум уюштирилганини маълум қилди. Фуқаролик инфратузилмаси объекти ва турар жой биноларида ёнғин келиб чиққан.
"Новобаварский туманига берилган иккита душман зарбаси оқибатида уч киши жабрланди, 25 та хусусий уй ва битта кўп қаватли бино у ёки бу даражада шикастланди", — деб баёнот бердиТерехов.
"Уйлардан биридан икки киши қутқарилган, яна бир киши вайроналар остида қолган бўлиши мумкин", дея қўшимча қилди у.
Украина Фавқулодда вазиятлар давлат хизмати хабарига кўра, Харков вилоятининг Покотиловка қишлоғига дрон зарбаси оқибатида 69 ёшли аёл ҳалок бўлган, яна уч киши, жумладан бир бола яраланган.
18 май куни кечқурун Днепропетровск вилоятидаги "Украина Нафтогаз" объектларига учта баллистик ракета билан ҳам зарба берилди, деб маълум қилди миллий компания бошқаруви раиси Сергей Корецкий.
Унинг сўзларига кўра, шикастланиш ва вайронгарчиликлар бор, бироқ ходимлар жабрланмаган. Ўтган ҳафтада "Нафтогаз"нинг Полтава вилоятидаги инфратузилмаси ҳам оммавий ракета зарбасига учраган эди.
Яна бир давлат Эронга махфий равишда ҳужум уюштирган
10 минг қадам юрганларга пул тўлайдиган платформа ишга тушди
Орол Пекинга тегишли эмас ва унга бўйсунмайди
