Баҳрайннинг БМТдаги Ормуз бўғозида кемалар қатновини таъминлашга қаратилган резолюция лойиҳаси Россия ва Хитойнинг позицияси туфайли қабул қилиниши мумкин эмас. Мазкур давлатлар ҳужжатнинг асосий қоидаларига қарши чиқмоқда. Бир неча раунд давом этган маслаҳатлашувлар ва ҳужжатнинг қайта кўриб чиқилишига қарамай, консенсусга (ягона тўхтамга) эришишнинг иложи бўлмади.
Москва ва Пекин Яқин Шарқдаги ҳозирги инқирознинг «асл сабабларини ҳисобга олувчи» «кенг қамровли ёндашув» зарурлигини таъкидламоқда. Уларнинг фикрича, Хавфсизлик Кенгашининг ҳаракатлари вазиятни янада кескинлаштиришга эмас, балки деэскалацияга (кескинликни юмшатишга) хизмат қилиши керак.
Хитой томони БМТ Хавфсизлик Кенгаши «ноқонуний уруш ҳаракатларини маъқулламасдан, балки кескинликни юмшатишга, ўт очишни тўхтатишга ва музокараларни қайта бошлашга ёрдам бериши керак»лигини билдирди.
БМТ дипломатларининг хабар беришича, резолюциянинг сўнгги лойиҳаси пайшанба куни, 2 апрелда кўриб чиқиш учун тақдим этилган ва у бўйича овоз бериш жараёни жума куни бўлиб ўтиши мумкин.
