Россия ва Украина музокаралари шу ҳафтанинг охирида бўлиб ўтади — ТАСС

Ахборот агентлигининг маълум қилишича, Москва ва Киев ўртасидаги навбатдаги музокаралар босқичи жорий ҳафтанинг охирида Истанбулда бўлиб ўтиши кутилмоқда.

"Гап ҳафтанинг охири ҳақида бормоқда, аниқ саналар аниқлаштирилмоқда", — деди агентлик суҳбатдоши.

Аввалроқ Independent газетасининг турк тилли версияси дипломатик манбаларига таяниб, Россия ва Украина ўртасидаги навбатдаги музокаралар 23 ёки 24 июл кунлари ўтказилиши кутилаётгани ҳақида хабар берган эди.