Россия ва Украина ҳозирча тинчлик битимини тузишга тайёр эмас — АҚШ вице-президенти

Жей Ди Вэнс Доналд Трамп Владимир Путин билан телефон орқали суҳбатлашиб, Будапештда у билан учрашишини эълон қилганидан сўнг, Newsmax нашрига берган интервюсида бу ҳақда фикр билдирди.

"АҚШ президентининг фаол дипломатияси одамларни бир-бирига қанчалик яқинлаштирмасин, охир-оқибат иккала томон ҳам келишувга тайёр бўлиши керак. Ушбу муаммони ҳал қилиш мумкин, бироқ бунинг учун анча кўп меҳнат талаб этилади", — деди вице-президент.

Вэнснинг таъкидлашича, бож тарифлари Россиянинг хатти-ҳаракатларига санкцияларга қараганда самаралироқ таъсир кўрсатади.

"Россия мисолида, шубҳасиз, уларни иқтисодиётининг асосий ҳаракатлантирувчи кучи Ҳиндистон ва Хитойга сотаётган нефтидир", – дея қўшимча қилди у.