Россия ўзининг жонли кучини беҳуда сарфламоқда

Эстония разведкаси Россиянинг катта йўқотишлари ҳақида эълон қилди.

Россия октябрь ойида 40 мингга яқин аскарини йўқотган бўлиши мумкин. Бу Россия армиясининг Украинага бостириб кириши бошланганидан бери энг катта йўқотиши бўларди, деб таъкидлади Эстония Мудофаа разведкаси маркази раис ўринбосари Янек Кесселманн.

Кесселманнинг айтишича, Россия Федерацияси Қуролли кучлари бутун фронт чизиғи бўйлаб олдинга силжишда давом этиб, кунига ўртача 178 та ҳужум уюштирмоқда.

Унинг сўзларига кўра, Курск вилоятида ўтган ҳафтада Украина қўшинлари томонидан босиб олинган ҳудудларда жиддий ўзгаришлар кузатилмаган. Украина қуролли кучлари маневрлар ўтказишда ва Россия Федерацияси бўлинмаларига қарши пистирма уюштиришда давом этмоқда.

“Россия Федерацияси кучларининг олдинга силжиши катта ҳужумлар, шу жумладан миномётлар, қотил дронлари ва билвосита отишмалар туфайли мумкин бўлди. Бу таъсир «ифлос ҳужумлар» орқали эришилади, бунда Россия ўзининг жонли кучини беҳуда сарфламоқда", деди Кесселманн.

Шунингдек, у Россиянинг йўқотишлари анча юқори эканлигини таъкидлади.

«Ва бу ой Россия учун энг катта йўқотишлардан бири бўлиб кўринмоқда. Бизнинг ҳисобимизча, Россия бир ой ичида ярадор ва ҳалок бўлган 40 мингга яқин аскарини йўқотди», — дея хулоса қилди Кесселманн.