Украинада уруш бошланганидан бери Владимир Путин биринчи марта Киев билан тўғридан-тўғри музокаралар ўтказиш имкониятини ошкора тан олди.
"Биз ҳар қандай тинчлик ташаббусига доимо ижобий муносабатдамиз. Умид қиламизки, Киев режими вакиллари ҳам бунга худди шундай муносабатда бўлишади", - деди у.
Аввалроқ Кремл музокаралар бошланишидан олдин президент Владимир Зеленский истеъфога чиқиши кераклигини таъкидлаган эди.
Бироқ, бу баёнотдан бир неча соат ўтгач, Россиядан янги зарбалар бошланди. Украина расмийларига кўра, Россиянинг учувчисиз учоқлари Одессага ҳужум қилиб, ёнғин келиб чиққан ва турар-жой биноларига зарар етказган. Аввалроқ Херсон вилоятида уч киши ҳалок бўлган, Покровск шаҳри ҳудудида эса бундан ҳам кўпроқ ҳужумлар қайд этилган.
Зеленский, ўз навбатида, бир кун аввал тинч аҳоли манзилларига ҳужум қилишни 30 кунга тақиқлашни таклиф қилди.
"Украина ўз таклифида туриб олишда давом этмоқда - ҳеч бўлмаганда фуқаролик инфратузилмасига ҳужум қилмаслик. Биз Москвадан аниқ жавоб кутмоқдамиз", - деди Украина президенти ўз мурожаатида.
Айни пайтда Лондонда Украина делегациясининг Буюк Британия, Франция ва АҚШ вакиллари билан учрашувига тайёргарлик кўрилмоқда. У ерда улар АҚШ Давлат котиби Марко Рубио томонидан таклиф этилган тинчлик йўл харитасини муҳокама қилишни режалаштирмоқда.
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
Россия ва Хитой АҚШнинг “Олтин гумбаз” лойиҳасига қарши чиқди
