Россия-Украина урушида 2024-йилги ҳудудий ютуқлар ҳақида нима дейиш мумкин? Улар аҳамиятли бўлдими?

Мутахассисларнинг таъкидлашича, Россия ва Украина қўлга киритган ҳудудий ютуқлар ҳар икки мамлакат учун чекланган стратегик аҳамиятга эга.

"Украина ҳозирда Россия эгаллаб турган ерларсиз ҳам яшаб қолиши ва иқтисодий жиҳатдан ривожланиши мумкин, бироқ бу ҳудудларда энг муҳими - Украинанинг қолган қисми хавфсизлигидир. Шу сабабли тинчлик шартлари Украина учун ниҳоятда муҳим," деди Аш.

"Россия учун босиб олинган ерлар иқтисодий ёки стратегик жиҳатдан сезиларли ижобий таъсир кўрсатмайди," дея қўшимча қилди у.

Аслида, Ашнинг таъкидлашича, босиб олинган Украина ҳудуди "Россия иқтисодиёти учун қайта тиклашни молиялаштириш борасида улкан юк бўлади."

"Бу эса Россия иқтисодиёти санкциялар туфайли ресурсларга муҳтож бўлган бир пайтга тўғри келмоқда," деди у.

Игнатов эса қўшимча қилиб, ҳар икки томоннинг ҳудудни қўшиб олиши урушнинг асосий мақсади эмаслигини таъкидлади. Аксинча, "бу қирғин уруши - қурбонлар сони, моддий ресурслар ва инфратузилма зарбаси ҳал қилувчи аҳамиятга эга."

Унинг сўзларига кўра, ҳеч қайси томон "шу пайтгача ўт очишни тўхтатишдан манфаатдор эмас." Ишчи кучини йўқотиш ортиб борар экан, Игнатов Москва 2025-йилда қийинчиликка дуч келиши мумкинлигини айтди. "Биз Россиянинг аскарларни ёллаш модели қанчалик барқарорлигини билмаймиз ва Россия бу йил сафарбарликка мажбурми ёки йўқми, билмаймиз," - деди у.