Франция президенти Эммануэл Макрон АҚШнинг сайланган президенти Доналд Трампнинг Гренландия ҳақидаги баёнотларидан сўнг Европа давлатларини уйғонишга чақирган.
Макрон Европа ўз хавфсизлиги ва рақобатбардошлигини янада фаолроқ кучайтириши керак, деб ҳисоблайди. Бу ҳақда Франция ташқи ишлар вазири Жан-Ноэл Барро Парижда АҚШ давлат котиби Энтони Блинкен билан қўшма матбуот анжуманида айтиб ўтди.
Барро Трампнинг сўзларини шарҳлар экан, бу дунё “кучлининг устунлиги” даврига кирганидан далолат беришини айтди. Унинг сўзларига кўра, шунинг учун ҳам Франция сўнгги етти йил давомида Европанинг мудофаа, савдо ва рақобатбардошлик соҳаларида мустаҳкамланишига фаол ёрдам бермоқда.
"Аммо энди биз ўз позицияларимиз ва манфаатларимизни ҳимоя қилиш учун анча олдинга боришимиз керак. Президент бизга Европа уйғониши кераклигини айтди", - деди Барро.
Шу билан бирга, у Трамп оролга ҳарбий босқин уюштиришига шубҳа билдирди.
Ўз навбатида, АҚШ Давлат котиби Энтони Блинкен Гренландиянинг АҚШга қўшилиши ғоясини "ёмон" деб атади ва бу амалда амалга оширилмаслигига ишонч билдирди. Шу муносабат билан у мазкур масалани муҳокама қилишни зарур деб ҳисобламайди.
Жаҳон IQ рейтинги: энг ақлли инсонлар қайси давлатларда яшайди? Ўзбекистон нечанчи ўринда?
Алишер Қодиров Қонунга қарши овоз берган ҳамкасбларига мурожаат қилди: “Истеъмолчининг 3 тадан 2 таси ёшлар. Ярми қизлар”
Россияда ўлганлар сони рекордми?
