Россия “Толибон”га йўл очяптими? Бош прокуратурадан муҳим талаб!

Россия Бош прокуратураси “Толибон” ҳаракатининг фаолиятига рухсат беришни сўради.

Россия Олий суди матбуот хизмати хабарига кўра, прокуратура “Толибон” ҳаракатининг фаолиятига қўйилган тақиқни вақтинча тўхтатишни сўраган. “Интерфакс” агентлигининг ёзишича, суд прокуратуранинг даъвосини 17 апрел куни кўриб чиқади.

Россия президенти Владимир Путин 2024 йил декабр ойида “Толибон”ни “террорчилик ташкилотлари” рўйхатидан чиқаришга имкон берувчи қонунни имзолаган эди.

Россия Олий суди 2003 йил феврал ойида “Толибон”ни “террорчилик ташкилоти” деб эълон қилган ва унинг фаолиятини мамлакат ҳудудида тақиқлаган.

Қайд этиш жоизки, “Толибон” 2021 йилда Афғонистонда ҳокимият тепасига келган.