Россия танкери экипажи АҚШ санкцияларини бузгани учун судга тортилади

Маринера танкери экипажи АҚШнинг Венесуэла нефтига нисбатан санкцияларини бузгани учун судга тортилади.

Бу ҳақда Оқ уй матбуот котиби Керолин Левитт маълум қилди.

Унинг таъкидлашича, кема Венесуэланинг "соя флоти"нинг бир қисмидир.

Журналистнинг Гренландиядаги ҳарбий фаолият ҳақида сўраганида, Левитт Арктика минтақасини назорат қилиш Хитой ва Россия "бу минтақада ўз тажовузларини давом эттира олмаслигини" кафолатлайди, деб жавоб берди.

Аввалроқ АҚШ Шимолий Атлантика океанида Буюк Британия яқинида жойлашган Маринера нефть танкерини назорат остига олган эди. Bella 1 номини Маринера деб ўзгартирган кема ўтган ой Венесуэла қирғоқлари яқинида АҚШ қирғоқ қўриқлаш хизмати томонидан таъқиб қилинган эди.