Россия қўшинлари Купянскдан ҳайдаб чиқарилди - Украина расмийлари

Украина расмийлари пайшанба куни Россия қўшинлари шимоли-шарқдаги Купианск шаҳрига «қисман кирганини», аммо орқага ҳайдалганини айтди.

Шаҳарнинг ҳарбий-фуқаролик мери Андрей Бесединнинг сўзларига кўра, рус пиёда аскарлари шаҳарнинг айрим қисмларига киришга уринган, бироқ уларнинг машиналари «йўқ қилинган»дан кейин чекинган.

Алоҳида баёнотда Украина армияси Купианск «тўлиқ» ўзларининг назорати остида қолаётганини, аммо унинг атрофида жанглар давом этаётганини таъкидлади. «Купианскда рус қўшинларининг борлиги ҳақидаги тахмин ҳақиқатга тўғри келмайди», — дейилади хабарда.

Украинанинг шимолий Харков вилоятининг шарқида, Оскил дарёси бўйида, Харков шаҳридан 120 километр шарқда ва Россия чегарасидан 45 километр жанубда жойлашган Купянск урушдан олдин 27 минг аҳолига эга бўлган муҳим темир йўл кесишмасидир. 2022 йил февраль ойида у Россия қўшинларига таслим бўлган, аммо 2022 йил центябр ойида Украина томонидан қайтариб олинган.

«[Ўшандан бери] душман шаҳар ва аҳолини қайтариб олишга уриниб кўрди ва улар муваффақиятга эриша олмади», — деди Беседин Украина кучлари Купянскни ушлаб туришига ишонч билдириб. У ерда бир неча мажбурий эвакуация буйруғига қарамай, 4000 га яқин тинч аҳоли яшайди.