Россия минтақаларида муҳим объектларни дронлардан ҳимоя қилишга захирадаги ҳарбийларни оммавий равишда жалб қилиш бошланди — “Коммерсант”

Нашр маълумотларига кўра, бундай кампания Россиянинг камида 19 та минтақасида олиб борилмоқда.

Захирадаги ҳарбийлар БАРС отрядларига йиғилмоқда, уларнинг вазифаси энергетика ва нефтни қайта ишлаш объектларини Украина дронларидан ҳимоя қилишдир. Чегара ҳудудларида эса БАРС аъзолари украин диверция-разведка гуруҳларига қарши курашиши керак бўлади.

4 ноябр куни Владимир Путин захирадаги ҳарбийларни нафақат уруш даврида, балки тинчлик пайтида ҳам турли топшириқларга жалб этишга рухсат берувчи қонунни имзолаган эди.