Россия Курск шаҳарларини қайтариб олди. Украинанинг Россияга ҳужуми барбод бўлдими?

Кремль Украина босқинидан кейин муваффақиятли қарши ҳужум ўтказганини даъво қилмоқда.

Москва Курскнинг икки шаҳрини қайтариб олганини айтмоқда.

Кремль Курскдаги Успеновка ва Борки шаҳарлари яна Россия назорати остига ўтганини даъво қиляпти.

Бу даъвони мустақил равишда тасдиқлашнинг иложи бўлмаган, аммо Россия расмийлари минтақада муваффақиятли қарши ҳужум ўтказаётганини таъкидламоқчи.

Ўтган ҳафта улар август ойидаги кутилмаган ҳужумдан кейин Украина қўшинлари қўлига ўтган 10 та аҳоли пунктини қайтариб олганликларини даъво қилди - бу Иккинчи жаҳон урушидан бери Россия ҳудудидаги энг йирик ҳужум.

Шу билан бирга, Украина Бирлашган Миллатлар Ташкилоти ва Халқаро Қизил Хоч қўмитасини Курскдаги гуманитар саъй-ҳаракатларга ёрдам бериш учун таклиф қилганини маълум қилди.

«Украина уларнинг ишини осонлаштиришга ва халқаро гуманитар ҳуқуққа содиқлигини исботлашга тайёр», деб ёзди Россиянинг Курск билан чегарадош Суми вилоятига ташрифидан сўнг ТИВ раҳбари Андрий Сибиха ижтимоий тармоқда.