Россия Киевга 40 га яқин баллистик ракета, "Искандер-М", "Циркон" ва С-400 мажмуаси ракеталарини учирди

Кузатувчиларнинг қайд этишича, бу уруш бошланганидан бери Киевга бир вақтнинг ўзида қўлланган энг катта ракета сонидир.

AFP агентлигининг хабар беришича, зарбалар шунчалик кучли бўлганки, пойтахт марказида тўхтаб турган автомобилларнинг сигнализациялари ишлаб кетган.

Ҳужум оқибатида автомобиллар, супермаркет, ётоқхона ва турар-жой бинолари ёниб кетган. Пойтахт қутқарувчиларининг сўнгги маълумотларига кўра, бир киши ҳалок бўлган, 13 киши яраланган. Маълумотлар аниқлаштирилмоқда.