Россия “Катта саккизлик”га қайтмоқчи эмас — Дмитрий Песков

Россия президенти матбуот котибининг сўзларига қўра "Катта саккизлик"га қайтиш Россияни қизиқтирмайди ва Трамп таклиф қилганига қарамасдан унга қайта аъзо бўлиш режалаштирилмаган. Россия учун "Катта йигирмалик" (G20) мухимроқ формат ҳисобланади.

"Биз бир неча маротаба айтганимиздек, ҳозирги “Еттилик гуруҳи” (G7) ўз долзарблигини анча йўқотган. Чунки унга аъзо давлатлар ҳозирги кунда турли иқтисодий ва ижтимоий ўсиш кўрсаткичлари бўйича етакчи эмас. Бугунги кунда ўсиш марказлари дунёнинг бошқа минтақаларидир. Шу сабабли, Россия “Катта йигирмалик” доирасида конструктив иш олиб боришдан кўпроқ манфаатдор. Чунки айнан G20 дунё иқтисодиётининг локомотивини яхшироқ акс эттиради", – деди Кремл вакили Дмитрий Песков.