Россия Ҳиндистонга харидларни давом эттириш учун ҳар бир баррель учун 5 доллар чегирма таклиф қилмоқда

Россия нефть етказиб беришни давом эттириш учун Ҳиндистонга ҳар бир баррель учун 5 доллар чегирма таклиф қилди.

Бу ҳақда Bloomberg агентлиги хабар бермоқда.

Агентлик маълумотларига кўра, Россиянинг Urals нефти Ҳиндистон портларида Dated Brent бенчмаркига нисбатан бир баррель учун 5 доллардан кўпроқ чегирма билан сотила бошлади. Бир ҳафта олдин Россия нефтига чегирмалар нолга тенг эди.

Kpler Ltd. таҳлилий компанияси маълумотларига кўра, чегирма Европа Иттифоқи ва АҚШ томонидан санкцияларнинг кучайтирилиши туфайли юзага келган.

Аввалроқ агентлик Ҳиндистон давлат нефтни қайта ишлаш заводлари АҚШ президенти Дональд Трамп томонидан 6 июль куни Ҳиндистон товарларига жорий қилинган 25 фоизлик божлар туфайли Россия нефтини сотиб олишдан вақтинча бош тортаётгани ҳақида хабар берган эди.