2024 йилга келиб Россия расмийлари Google’дан ўз платформаларидан 784 000 та контентни олиб ташлашни талаб қилишди. Бу ҳақда 1 май, пайшанба куни журналистлари Google’нинг шаффофлик ҳисоботини таҳлил қилган Верстка интернет нашри хабар берди.
Қайд этилишича, юқорида қайд этилган кўрсаткич ўтган йил даражасидан 20 фоизга юқори ва 2009 йилда тегишли статистик маълумотлар эълон қилинганидан бери рекорд кўрсаткич ҳисобланади. Россия расмийлари олиб ташлашни талаб қилаётган контент ҳажми кетма-кет 14 йил давомида ҳар йили ортиб бормоқда, дея таъкидлайди муаллифлар.
"Украинага тўлиқ миқёсда бостириб киришдан кейинги уч йил ичида бундай контент ҳажми деярли икки баравар кўпайди – 2021 йилда Google’га атиги 393,7 минг контентни олиб ташлаш бўйича сўровлар келиб тушган”, — дейилади нашрда.
Верстканинг аниқлик киритишича, Россия расмийлари 2024 йилда олиб ташламоқчи бўлган контентнинг деярли 95 фоизи (741,7 минг бирлик) Google қидирув натижаларидаги ҳаволалардир. Қолган 5% (39,2 минг бирлик) YouTube видеохостинг сайтида жойлаштирилган видеолардир.
Кремль миллиардлаб топмоқда, Европа эса миллиардлаб сарфламоқда
Покистон ва Афғонистон ўртасида қуролли можаро бошланди
Дуров: "Мен русман!"
