Қримда Украина ҳарбий разведкаси топшириғи билан Россия Мудофаа вазирлигининг юқори мартабали офицерларидан бирини шахсий автомобилига қўйилган портловчи қурилма орқали ўлдиришга бўлган уриниш фош қилинди. Бу ҳақда Россия Федерал хавфсизлик хизмати (ФХХ) хабар берди.
Маълумотга кўра, Киев томонидан йўналтирилган агент автомобиль остига бомба жойлаштирган. У ФХХ ходимларига қуролли қаршилик кўрсатган вақтда йўқ қилинган. Жиноятчидан куратори билан алоқа воситалари ва Ғарбда ишлаб чиқарилган портловчи қурилманинг қисмлари мусодара қилинган.
Террорчилик ҳаракати Украина ҳарбий разведкаси ходими Рустем Фахриев томонидан ташкил этилгани айтилмоқда. Унинг шерикларидан бири — Қрим Республикасида яшовчи шахс — қўлга олинган.
Шу билан бирга, Украина ҳарбий разведкаси Қримда Россия ҳарбийсининг хотини ва боласи ҳам ҳалок бўлиши эҳтимолини кўзда тутгани айтилмоқда.
ФХХ йўқ қилинган агент билан боғлиқ видеони ҳам эълон қилди. Кадрларда жиноятчининг жасади асфальтда ётгани ва унинг ёнида граната борлиги кўриниб туради.
Ўзбекистон бўйлаб совуқ антициклон ва инверсия узоқроқ давом этади
2026 йилда ойлик, стипендия, пенсия ва нафақалар оширилади
KIA автосалони ходими мижозни калтаклади (видео)
