Миллий аксилтеррор қўмитаси баёнотига кўра, Доғистон Республикаси хавфсизлик идоралари "террорчилик фаолиятида иштирок этган қуролли шахсларнинг қаерда эканлиги ҳақида" маълумот олган. 31 мартга ўтар кечаси террорчи сифатида гумон қилинаётган шахслар ФСБ махсус кучлари томонидан Махачқалъа ва Каспийск шаҳарларидаги бир нечта хонадонларда тўсиб қўйилган.
"Маҳаллий вақт билан соат 5:35 дан Махачқалъанинг Ленинский ва Советский туманлари ҳамда Каспийск шаҳри маъмурий чегараларида аксилтеррор операцияси режими(КТО) жорий этилди. Операция ҳудуди яқинида жойлашган уйлар аҳолиси эвакуация қилинди", дея хабар берди "Интерфакс" агентлигига республика ФСБ тезкор штаби.
