Россия дипломатлари Британия Ташқи ишлар вазирлигини мамлакатдаги сафарлари ҳақида хабардор қилади

Буюк Британияда ишлаётган россиялик дипломатлар Лондон ҳукуматини ички ташрифлари ҳақида хабардор қилишлари шарт.

Бу ҳақда Британия ташқи ишлар вазирлиги раҳбари ўринбосари Лео Дочертининг мамлакат парламенти сайтида эълон қилинган ёзма баёнотида айтилади.

Бу расмий Москванинг июл ойида Буюк Британия дипломатик миссияси ходимларининг Россия Федерацияси ҳудудидан кўчиб ўтиши тўғрисида хабардор қилиш тартибини жорий қилганига жавоб эканлиги таъкидланди.

“Россиянинг Британия дипломатлари учун мамлакат ичида саёҳат қилиш ҳақида билдиришнома киритиш тўғрисидаги қарорига жавобан биз Россиянинг Лондондаги элчихонаси ва Эдинбургдаги Бош консуллигида аккредитациядан ўтган россиялик дипломатлар учун пропорционал саёҳат билдиришномаси талабларини жорий этдик. Бу Дипломатик муносабатлар тўғрисидаги Вена конвенциясида белгиланган ўзаро муносабатлар тамойилига мос келади”, — деб ёзади Дочерти.