Россия барбод бўлиши мумкин

Жамиятда хорижлик ва муҳожирларга нисбатан нафрат сунъий равишда кучайтирилмоқда. Бу Россия Федерациясининг ривожланишини секинлаштириш ва уни йўқ қилиш мақсадида қилинмоқда. Бу ҳақда РФ Бош прокуратурасининг Федерал хавфсизлик, миллатлараро муносабатлар, экстремизм ва терроризмга қарши курашиш тўғрисидаги қонунлар ижросини назорат қилиш бошқармаси прокурори Дмитрий Вагурин маълум қилди.

"Мигрантларнинг қолишлари билан боғлиқ кўплаб асосли хавф ва қўрқувлар билан биргаликда, радикал фикрли шахслар кўпинча чет элликларга нисбатан сунъий равишда нафрат уйғотади, айрим одамларнинг салбий ҳаракатларини бутун бир халқ учун хатти-ҳаракатлар намунаси сифатида кўрсатади", - деди расмий ўзининг Жамоатчилик палатасида замонавий экстремизм тенденциялари ва хавф-хатарлари мавзусидаги нутқида.

Вагурин Телеграм каналларида ирқчилик ва миллатчилик мазмунидаги чиқишлар ошиб бораётганини таъкидлади. Унинг сўзларига кўра, уларда хорижликларга оид жуда кўп салбий ахборот хабарлари чоп этилмоқда.

"Бу мамлакат аҳолисини бўлиш, халқлар ўртасида адоват уруғини экиш ва охир-оқибат Россиянинг ривожланишини секинлаштириш ва ҳатто уни йўқ қилиш учун қилинмоқда", - деди РФ Бош прокуратураси вакили.

Расмий, шунингдек, Марказий Осиё давлатларидан келган муҳожирлар Россия бизнесига зарар етказаётгани ва Россия ўзига хослигига путур етказаётганини айтди: “Аслида мигрантлар анклавлар ташкил қилади, бизнес соҳаларини эгаллаб олади ва охир-оқибатда нафақат мамлакат иқтисодиётига зарар етказади, балки ўзлигимизни ҳам йўқотамиз”.

“Сўнгги йилларда келувчилар таркиби кескин ўзгарди, аксарият муҳожирлар Марказий Осиёнинг қўшни республикаларидан келишмоқда. Кўп сонли муҳожирлар, ҳар йили плюс-минус 15 миллион киши, асосан тегишли таълим ва маданият даражасига эга бўлган меҳнат муҳожирлари, уларнинг кўплари ҳатто рус тилини минимал даражада билишмайди, чунки СССР парчаланиши билан уларнинг ватанларида бу тилни ўрганишни тўхтатиб қўйишган”, - дея қўшимча қилди прокурор.