Россия Туроператорлари Ассоциацияси (АТОР) хабар беришича, келгуси ҳафтада Россиядан Мисрга парвозлар Туркиянинг Southwind Airlines авиакомпанияси ўрнига Россиянинг Azur Air авиакомпанияси томонидан амалга оширилади.
29 март куни Европа Иттифоқи авиакомпаниянинг Россия билан алоқаси борлигини баҳона қилиб, Southwind 'га Европа Иттифоқи давлатлари устидан парвоз қилишни тақиқлади.
АТОР хабар беришича, Azur Air 30 март куни Москвадан Мисрга илк парвозларини амалга оширган. Мисрдан Россия Федерациясига Southwind рейсларида қайтиши керак бўлган сайёҳлар ҳам Azur Air хизматларидан фойдаланадилар.
Авиакомпаниянинг таъкидлашича, гап PEGAS Touristik ва Coral Travel туроператорлари мижозлари учун қўшимча рейслар ҳақида кетмоқда. Azur Air авиакомпаниясининг Москвадан Шарм-аш-Шайхга ўз рейсларида юк яхши, уларни бирлаштириш ҳақида гап йўқ, деб хабар беради АТОР.
