Украина Қуролли кучлари Россия томонида жанг қилган икки нафар Хитой фуқаросини асирга олди.
Украина президентининг сўзларига кўра, бу Донецк вилояти ҳудудида содир бўлган. Украина ҳарбийлари асирларнинг ҳужжатлари ва уларнинг банк карталарини ҳам қўлга киритган. Асирга олинган Хитой фуқаролари Украина хавфсизлик хизмати вакилларига топширилган.
Зеленскийнинг маълум қилишича, Украинада Россия армияси бўлинмаларида Хитой фуқаролари "иккитадан анча кўп" эканлиги ҳақида маълумотлар бор.
"Мен Украина Ташқи ишлар вазирига зудлик билан Пекин билан боғланиб, Хитой бунга қандай муносабат билдирмоқчи эканини аниқлашни топширдим. Россиянинг Хитойни Европадаги бу урушга бевосита ёки билвосита жалб қилиши Путиннинг урушни тугатишдан бошқа барча нарсага тайёрлиги ҳақидаги аниқ сигналдир. У қандай қилиб урушни давом эттириш йўлларини изламоқда", – дея таъкидлади Володимир Зеленский.
Техас кўлида 2 метрлик маҳлуқ қўлга тушди, бу жаҳон рекорди бўлиши мумкин
АҚШ Украинани бутунлай тарк этмоқда
Исроил самолётлари хатолик билан яҳудийлар яшаш пунктини бомбардимон қилди
