31 январь куни кечқурун Россия ҳужумлари Одесса тарихий марказига зарар етказди. Жумладан, 1899 йилда қурилган «Бристол» меҳмонхонаси ҳам жиддий шикастланди. Одесса вилояти губернатори Олег Кипернинг сўзларига кўра, етти киши жароҳат олган.
Кипер ва Одесса мери Геннадий Труханов вайрон бўлган биноларнинг суратларини эълон қилди. Уларда «Бристол» меҳмонхонасининг ҳашаматли вестибюли ва бошқа қисмлари оғир шикастланган ҳолда акс этган.
«Бу ерда бетонни тешиб ўтишга қодир ракета ишлатилган. Демак, ушбу ракета фуқаролик меҳмонхонасига атайлаб йўналтирилган бўлиб, у бинонинг қаватларини ва ички тузилишини бузиш учун мўлжалланган,» — деди Кипер давлат телеканалига берган интервьюсида.
Россия Украинага бостириб кирганидан буён ғарб журналистлари кўп тўхтайдиган меҳмонхоналар бир неча бор нишонга олинган. 2023 йил охирида Харковдаги «Харков Палас» меҳмонхонаси ҳам бомбардимон қилинган эди. Бу меҳмонхона халқаро журналистлар ва гуманитар ташкилотлар орасида машҳур бўлиб, ўша ҳужум натижасида ZDF (Германиянинг давлат телеканали) жамоаси жабрланган: украиналик таржимон учта умуртқаси ва қовурғасини синдириб олган, қўриқчи эса жароҳатланган.
Хитой Украина урушига қўшилиши мумкин
Лавров: Украинага тинчликпарвар кучларни киритиш Россия билан тўғридан-тўғри уруш
Араб давлатлари бирлашди: Европа энди танлов қаршисида!
