Россия АҚШ билан ҳамкорлиги учун доллар тўловларига қайтишга тайёр

Кремль АҚШ президенти Дональд Трамп маъмурияти учун Россиянинг доллар операцияларига қайтишига чақирувчи таклифлар меморандумини тайёрлади.

Bloomberg бу ҳақда Россиянинг юқори лавозимли амалдорлари орасида тарқалган ички ҳужжатга таяниб хабар берди.

Нашрнинг таъкидлашича, ушбу ташаббус Қўшма Штатлар билан кенг кўламли иқтисодий ҳамкорликни кенгайтиришга ёрдам беради.

Россия энергия ресурслари билан операцияларни ўз ичига олган ҳолда, доллар тизимига қайтиш ҳужжатнинг етти бандидан бири сифатида келтирилган. Агентликнинг маълумотларига кўра, бундай ҳаракат аввалги йўналишнинг кескин ўзгаришини англатади ва глобал молиявий тизимга сезиларли таъсир кўрсатиши мумкин.

Ҳужжатда шунингдек, Москва ва Вашингтоннинг манфаатлари потенциал равишда бирлашиши мумкин бўлган соҳалар ҳам кўрсатилган. Буларга денгиз конларини ўз ичига олган қўшма нефть ва суюлтирилган газ лойиҳалари киради. Рўйхатга хом ашё, ядровий энергия ва сунъий интеллект соҳасидаги ҳамкорлик ҳам киритилган. Узоқ муддатли авиация шартномалари, шунингдек, Америка компанияларининг Россия бозорига қайтиши учун имтиёзли шартлар ҳам тилга олинган. Иқлим кун тартибига альтернатива сифатида қазилма ёқилғиларни қўллаб-қувватлаш ҳам қайд этилган.

Россия президенти матбуот котиби Дмитрий Песков Bloombergга бу масала бўйича изоҳ беришдан бош тортди.