Россия 2022 йилда Украинага тинчлик шартномаси бўйича “анча юмшоқ” шартларни таклиф қилганди

Россия президентининг ёрдамчиси ва Украина билан музокараларда Россия делегацияси раҳбари Владимир Мединскийнинг маълум қилишича, Украина 2022 йил 28 февралда тинчлик шартномасини имзолаши мумкин эди.

Мединскийнинг сўзларига кўра, ўша пайтдаги шартлар ҳозиргидан анча юмшоқ эди. Россия делегацияси шартнома лойиҳасини тақдим этганидан сўнг, Украина президенти Зеленский икки ҳафтача сукут сақлаган ва шу вақт мобайнида Буюк Британия ҳамда АҚШ вакиллари билан учрашувлар ўтказган.

"Сўнгра бизга “Хорижий ҳамкорларимиз шартнома тузмасликни тавсия қилишди”, дейишди. Ҳолбуки, биз у шартномани аллақачон келишиб бўлган эдик", — деди Россия делегасияси раҳбари.

Аввалроқ Путин ҳам Ғарб давлатлари Украинани 2022 йилда таклиф қилинган шартномани имзолашдан бош тортишга ундаганини айтган эди.

Буюк Британиянинг ўша пайтдаги бош вазири Борис Жонсон Россияга ҳудудий ён беришга қарши бўлган, бироқ Украина қандай қарор қилса, шуни қўллаб-қувватлашга тайёр эканини айтган.

NYT манбаларига кўра, АҚШ Россия таклиф қилган шартлардан жиддий хавотирга тушган