Роскомнадзор интернет тезлигини ўлчаш имконини берувчи Speedtest хизматини блоклади — “Коммерсант”

"АҚШнинг Ооkla компаниясига тегишли хизмат Рунет хавфсизлигига таҳдидлар аниқлангани сабабли блокланди", дея хабар бермоқда агентлик Роскомнадзорга таяниб.

2024 йил июн ойида Роскомнадзорга алоқадор тузилмалар Speedtest'га ўхшаш хизмат — интернет тезлигини текширувчи мобил илова “Просет”ни яратгани маълум қилинган эди. Ўша йилнинг октябрида эса “Известия” газетаси Роскомнадзорга таяниб, агар хизмат Россияда интернет ишининг барқарорлиги, хавфсизлиги ва яхлитлигига таҳдид солаётган деб топилса, уни блоклаш мумкинлиги ҳақида ёзган эди.

Россиялик операторларга ушбу хизматдан фойдаланишни тақиқлаш таклифини Давлат Думаси ва ФСБ ҳам қўллаб-қувватлаган.