«Манчестер Юнайтед» ҳужумчиси Криштиану Роналду тўнғич фарзанди билан катта футболда ўйнаш учун ҳам фаолиятини яқин орада тугатмаслиги мумкинлигини билдирди.
«Ўғлим менга: «Дада, яна бир неча йил ўйнанг. Мен сиз билан бирга тўп сурмоқчиман», деди. Ҳа, ўғлим ҳали энди 12 ёшга кираётганини инобатга олсак, бу жуда ҳам қийин, аммо буни уддалашим мумкин», - дейди Роналду Фрэнк Холид билан интервьюда.
Эслатиб ўтамиз, 37 ёшли Криштиану Роналдунинг «МЮ» билан амалдаги келишуви 2023 йилга қадар имзоланган бўлса, унинг 12 ёшли ўғли «МЮ» академиясида тўп сурмоқда.