Роналду Теҳронга бормайди. "Ан-Наср" юлдузини "Истиқлол"га қарши ўйин қайдномасига киритмади

Криштиану Роналду "Ан-Наср"нинг Осиё Чемпионлар лигаси доирасидаги ўйини учун Эронга бормайди.

Ҳужумчи 3 март куни Теҳронда бўлиб ўтадиган "Истиқлол"га қарши 1/8 финал ўйини қайдномасига киритилмаган.

Аввалроқ Роналдунинг хавфсизлиги учун масъул бўлган хизмат футболчига Теҳронга бормасликни тавсия қилгани маълум бўлганди, чунки унинг Эронга аввалги ташрифи вақтида португалияликни кўриш истагида бўлган одамлар кўплиги сабабли тартибсизликлар юзага келганди.

Хабар қилинишича, "Ан-Наср" "Истиқлол"дан ўйинни учинчи давлатга кўчиришни сўраган, аммо Эрон клуби саудияликларга рад жавобини берган.