Роналду сўнгги 15 йилда «Ювентус»да ҳеч бир футболчи эришмаган натижани қайд этди

«Ювентус» ҳужумчиси Криштиану Роналду А Сериянинг 20-туридан ўрин олган «Парма»га қарши ўйинда (2:1) дублга эришди.

Шу тариқа 34 ёшли ҳужумчи Италия чемпионатида қаторасига 7та ўйинда гол уришга муваффақ бўлди.

Opta Sports'нинг ёзишича «Ювентус»да сўнгги бор бундай натижани 2005 йилда Давид Трезеге қайд этганди. Франциялик ҳужумчи ҳам кетма-кет 7та баҳсда тўп киритганди.

Маълумот учун, Роналду бу мавсумда А Cерия тўпурарлар пойгасида 16та гол билан иккинчи ўринда бормоқда. Рўйхатни 23та гол билан «Лацио» ҳужумчиси Чиро Иммобиле бошқариб турибди