Афсонавий бразилиялик футболчи Роналдиньо орзусидаги жамоасига қайси футболчини олишини айтди.
«Агар футбол тарихида бир одамни танлаш керак бўлса, у Марадона. У билан ҳеч қачон ўйнамаганман, уни фақат ташқаридан кўрганман. Агар у менинг орзулар жамоамда ўйнаганида, ажойиб бўларди», — деди Роналдино Youtube'даги Delantero09'га берган интервьюсида.
Роналдинонинг футболчилик фаолияти 1998 йилдан 2015 йилгача давом этган. У «ПСЖ», «Барселона» ва «Милан» каби клублардан ўйнаган. Собиқ яримҳимоячи ЕЧЛ ва ЖЧда ғолиб бўлган, 2005 йилда «Олтин тўп» мукофотини олган.
Марадона эса фаолияти давомида «Барселона», «Наполи», «Севилья», «Бока Хуниорс» ва бошқа жамоаларда ҳаракат қилган, ЖЧда ғолиб бўлган. Афсонавий аргентиналик футболчи 60 ёшида вафот этган.
