Мадриднинг «Реал» клуби 2027 йилги ёзги трансферлар ойнасида юқори савияли ярим ҳимоячини сотиб олишни ўзининг устувор вазифаларидан бири сифатида белгилаб олди. Бу ҳақда Sport.es нашри хабар бермоқда.
Манба маълумотларига кўра, «қироллик клуби» асосий эътиборини Лондоннинг «Арсенал» жамоаси ярим ҳимоячиси Мартин Субименди ва «Наполи» футболчиси Скотт Мактоминейни қўлга киритишга қаратган.
Хабар қилинишича, мадридликларнинг Субименди трансфери бўйича муваффақиятга эришиш имконияти мавжуд. Чунки Испания терма жамоаси сафида жаҳон чемпиони бўлган ярим ҳимоячи «Арсенал»да етарлича ўйин амалиётига эга бўлмаяпти.
Ўз навбатида, Скотт Мактоминейнинг «Наполи» билан шартномасини узайтириш борасидаги музокаралар боши берк кўчага кириб қолган.
29 ёшли шотландиялик футболчининг Неаполь клуби билан амалдаги шартномаси 2028 йилнинг ёзига қадар мўлжалланган.
Шоҳжаҳон Эргашевнинг Тошкентдаги жанги жанжал билан ниҳоясига етди
«Олтин тўп»-2026 учун асосий даъвогар номи маълум бўлди
Португалия футбол федерацияси Роналду бўйича ўз позициясини маълум қилди
