"Барселона" ва "Реал Мадрид" кетма-кет учинчи марта Испания Суперкубоги финалида ўйнашади.
Мадрид клуби турнир ярим финалида "Мальорка"ни 3:0 ҳисобида мағлуб этди. Аввалроқ "Барса" "Атлетик"ни 2:0 ҳисобида мағлуб этганди.
"Реал Мадрид" кетма-кет учинчи марта Испания Суперкубоги финалида каталонияликлар билан тўқнаш келади. Мадрид клуби 2024 йилда кубокни қўлга киритган. 2023 йилда "Барселона" Суперкубокни қўлга киритганди.
Қолаверса, кубок учун 4 та жамоа ўртасида кураш олиб бориладиган янги формат бўйича мадридликлар 6 тадан 5 тасида финалга чиқди. "Реал Мадрид" ўзи ўйнаган сўнгги 4 финалнинг 3 тасида ғалаба қозонган.
