«Реал» ва «Арсенал» франциялик иқтидорли марказий ҳимоячи учун даъвогарлик қилмоқда

"Ренн" марказий ҳимоячиси Жереми Жакега Европа грандлари қизиқиш билдирмоқда. 20 ёшли футболчи Мадриднинг "Реал" ва Лондоннинг "Арсенал" клублари радарларига тушиб қолди, деб хабар бермоқда журналист Саша Тавольери. Французнинг харидига "Ал-Ҳилол" ҳам қизиқиш билдирмоқда, у аллақачон футболчининг атрофидагилар билан боғланган, бироқ ҳозирда у фаолиятини Саудия Арабистонида давом эттириш истагини билдирмаган.

Жереми Жакенинг Transfermarkt порталидаги нархи - 10 млн евро. Ёш ҳимоячи "Ренн"нинг асосий жамоаси сафида атиги 13 та ўйинда майдонга тушиб, битта голли узатмани амалга оширган, шунингдек, Франциянинг 21 ёшгача бўлган терма жамоасида иккита ўйин ўтказган.