«Реал» собиқ футболчиси фаолиятини Италияда давом эттириш арафасида

«Реал» собиқ футболчиси Раул Албиол «Пиза»га ўтиш арафасида. Бу ҳақда Football Italia портали хабар берди.

Италия клуби 39 ёшли ҳимоячини эркин агент сифатида ўз сафига қўшиб олишга тайёр. Албиолнинг «Вилярреал» билан шартномаси шу йилнинг июн ойида якунига етган ва энди у A Серияга қайтишга рози.

Маълум бўлишича, Версилия шаҳрида бўлиб ўтган учрашувда «Пиза» клуби раҳбарияти ва испаниялик ҳимоячи ўртасида оғзаки келишувга эришилган.

Албиол бир йиллик шартнома ва уни яна бир мавсумга узайтириш имконияти билан келишувга тайёр.