Mundo Deportivo нашрининг хабар беришича, «Реал Мадрид» – «Пачука» ўйинидан бир неча соат олдин ўйингоҳ атрофи «Мадрид» мухлислари билан тўлди. Уларнинг кўпчилиги Винисиус Жуниор, Килиан Мбаппе ва Криштиану Роналду либосларини кийиб олишган эди.
«Роналду билан ажойиб хотираларимиз бор. У бизга жуда кўп завқли онларни тақдим этган. Биз Атлантада яшаймиз. Ўйиндан завқ олиш учун келдик. Оиламиз билан «Реал»га мухлислик қиламиз», – деди Атлантада яшовчи «Реал» мухлиси.
«Фарзандам болалигидан Роналдуни ёқтиради. У Криштиануни «Реал Мадрид»даги фаолиятидан бери кузатиб келади. Мен ҳам у каби «Реал» мухлисман», – деди 7 рақамли Роналдунинг либосини кийган ота-бола.
Учрашувга яқин вақт қолганида энг арзон чипта нархи 92 доллардан сотилаётган эди. Ўйингоҳ атрофида оз сонли «Пачука» мухлислари ҳам бор эди. Дастлабки турда Мексика клуби рақибга имкониятни бой берган бўлса, «Реал Мадрид» Саудия Арабистони клуби билан дуранг ўйнаган эди.
Абдуқодир Ҳусанов «Барса»га ўтиши мумкин — Деку уни «келажак ҳимоячиси» деб билади
Маҳмуд Мурадов чехиялик моделнинг қўлини сўради
Месси: "Криштиану Роналдуга қойил қоламан"
