«Реал Мадрид» Мбаппенинг тақдимоти Роналдунинг маросимини ортда қолдиришига ишонмоқда

Мадриднинг «Реал» клуби франциялик ҳужумчи Килиан Мбаппе тақдимотига қизғин ҳозирлик кўрмоқда.

"El Debate" хабарига кўра, клуб ушбу тадбир Криштиану Роналдунинг 2009 йилдаги маросимидан ҳам оммавийроқ бўлишига ишончи комил. Ўшанда португалияликнинг «Сантьяго Бернабеу» стадионидаги тақдимотига 85 минг киши ташриф буюрганди.

25 ёшли Мбаппе «Реал» билан эркин агент сифатида шартнома имзолади. 2017 йилдан 2024 йилгача у парижликлар сафида тўп тепган.