"Реал Мадрид" Карло Анчелотти билан янги шартнома имзоламоқчи

"Реал" ва Карло Анчелотти шартномани узайтирмоқчи.

Bernabeu Digital нашри журналист Рамон Альварес де Монага таяниб хабар беришича, томонлар янги шартнома имзолаш сари ҳаракат қилмоқда. Амалдаги келишув 2024 йилнинг ёзига қадар мўлжалланган.

Шу билан бирга, шартномани узайтириш келажакда бекор қилиниши мумкин бўлган мадридликлар учун қулай шартларда амалга оширилиши таъкидланмоқда.

Анчелоттида Бразилия терма жамоасини бошқариш таклифи бор, бироқ у 2021 йилдан бери ишлаб келаётган "Реал Мадрид"да қолишни афзал кўради.