"Реал" 5 йил олдин 30 миллионга сотиб олган ва асосий жамоада бирорта ўйин ўтказмаган бразилиялик футболчи ўз ватанига эркин агент сифатида кетади

Мадриднинг "Реал" клуби ярим ҳимоячиси Рейньер фаолиятини ўз ватани Бразилияда давом эттиради.

Футболчи "қироллик клуби" билан 2026 йил ёзигача бўлган шартномасини бекор қилади ва эркин агент мақомида "Атлетико Минейро" сафига ўтади.

"Реал" ҳозирда 23 ёшда бўлган футболчини 2020 йилда "Фламенго"дан 30 миллион еврога сотиб олганди. Шундан сўнг у "Боруссия Дортмунд", "Жирона", "Фрозиноне" ва "Гранада" клубларида ижарада ўйнади. У "қироллик клуби" асосий жамоасида бирорта ўйин ўтказмаган.