«Реал» 2024 йил декабридан бери илк совринни қўлга киритиш имкониятига эга бўлди

Мадриднинг «Реал» жамоаси 2026 йил январь ойида 2024 йил декабридан бери илк совринини қўлга киритиш имкониятига эга. Испания Суперкубоги–2025/2026 ярим финалида 8 январдан 9 январга ўтар кечаси «Атлетико» устидан 2:1 ҳисобида ғалаба қозонган «қаймоқранглилар» мусобақа финалига йўл олди. 11 январь куни улар чемпионлик учун «Барселона»га қарши майдонга тушади.

2024 йил декабрь ойида «Реал» Қитъалараро кубок соҳиби бўлган эди. Шундан кейин «Қироллик клуби» Испания Суперкубоги–2024/2025, Испания Ла Лигаси, Испания Кубоги, Чемпионлар лигаси ҳамда Клублар ўртасидаги жаҳон чемпионатида якуний ғалабага эриша олмади.