"Севилья" ва "Барселона"нинг собиқ ярим ҳимоячиси Иван Ракитич Саудиянинг "Аш-Шабаб" жамоасидан ватани Хорватияга қайтди. "Хайдук Сплит" у билан шартнома имзолаганини расман эълон қилди. 21 июль, якшанба куниёқ футболчи таништирилади ва янги мавсумга тайёргарликни бошлайди.
36 ёшли Ракитич билан шартнома бир мавсумга мўлжалланган, бироқ томонлар уни яна бир мавсумга узайтириш имкониятини назарда тутган.
Қизиғи шундаки, аввалроқ, ҳатто ёшлигида ҳам Ракитич Хорватияда ўйнамаган - Испания ва Саудия Арабистонидан ташқари, Швейцария ва Германияда ҳам ўйнаган.
