Рақобат қўмитаси тадбиркорларни чегирма ва акция қоидаларига қатъий риоя этишга чақирди

Рақобатни ривожлантириш ва истеъмолчилар ҳуқуқларини ҳимоя қилиш қўмитаси янги йил олдидан тадбиркорларни чегирма ва акциялар жарёнида белгиланган қоидаларга қатъий амал қилишга чақирди.

Қўмита маълумотига кўра:

• чегирма қўлланишидан олдинги ҳақиқий нарх тўлиқ ва аниқ кўрсатилиши шарт;

• акция қачон тугаши, шартлари ва товар миқдори истеъмолчига очиқ эълон қилиниши зарур;

• товарнинг охирги 30 кун ичидаги энг паст нархи ҳужжат билан тасдиқланган бўлиши керак.

Қўмита тадбиркорларни рекламада чалғитувчи маълумот беришдан ва сохта чегирмалар ташкил қилишдан қатъий қайтарди.