"Ракета Жанубий Украина атом электр станциясининг ядровий реакторларидан 300 метр узоқликда қулади", деб хабар берди Украина давлат корхонаси "Энергоатом".
Хабарда айтилишича, соат 00:20 да Россия қўшинлари электр станциясига ракета ҳужуми уюштирган. Жанубий Украина АЭС нормал ишламоқда, ходимлар орасида жабрланганлар йўқ.
Зеленский Telegram каналида Жанубий Украина атом электр станциясига ракета ҳужуми видеосини эълон қилди: “Босқинчилар яна зарба бермоқчи бўлишди, лекин атом станцияси нима эканлигини унутиб қўйишди. Россия бутун дунёни хавф остига қўймоқда".