Қувайт икки эронлик дипломатни номақбул шахс деб эълон қилди ва уларга 24 соат ичида мамлакатни тарк этишни буюрди.
Бу ҳақда Қувайт оммавий ахборот воситалари хабар берди.
"Қувайт Ташқи ишлар вазирлиги мамлакатдаги Эрон Ислом Республикаси элчихонасининг муваққат ишлар вакилини чақириб, Қувайт ҳудуди ва фуқаролик инфратузилмасига қилинган ҳужумларни қораловчи расмий норозилик нотасини топширди", дейилади баёнотда.
Кеча Эроннинг Қувайтга қарши дрон ва ракета ҳужуми оқибатида бир киши ҳалок бўлгани ва 63 киши яралангани ҳақида хабар берилган эди. 3 июнь куни эрталабдан бери Қувайт қуролли кучлари 13 та Эрон баллистик ракеталари ва 17 та дронни ушлади.