Қўшма Штатлар Украина ҳукуматининг Украина Қуролли кучлари бош қўмондони Валерий Залужнийни ишдан бўшатиш ҳақидаги эҳтимолий қарорига аралашмайди, деди АҚШ президентининг миллий хавфсизлик бўйича ёрдамчиси Жейк Салливан CBS телеканалида.
"Бу АҚШ расмийлари у ёки бу қарор қабул қилиши керак бўлган масала эмас. Шунинг учун биз бу кадрлар бўйича қарорларга аралашмаймиз. Бу Украина ва Украина президентининг (Владимир Зеленский) суверен ҳуқуқидир", - деди расмий.
Салливан телебошловчи Маргарет Бреннаннинг Залужнийнинг истеъфога чиқиши фронтдаги вазиятга қандай таъсир қилиши ҳақидаги саволига жавоб бермади.
